Tuairiscí Choiste an Bhoird

Tuarascáil an Choiste Iniúchóireachta agus Riosca

Thar ceann Choiste Iniúchóireachta agus Riosca Uisce Éireann, tá mé sásta tuarascáil an choiste a chur i láthair don bhliain dar críoch an 31 Nollaig 2025.

Is é aidhm na tuarascála seo léargas a sholáthar maidir le hobair an Choiste Iniúchóireachta agus Riosca le linn 2025.

An Coiste

Cuimsítear sa Choiste ceathrar Comhaltaí Boird Neamhfheidhmiúcháin neamhspleácha de chuid Uisce Éireann a bhfuil taithí agus saineolas acu ó réimse tionscal, cúlraí agus dearcthaí, rud atá ríthábhachtach chun tacú le rialachas éifeachtach.

Leagtar amach thíos comhaltaí an Choiste, an fad seirbhíse agus freastal ar chruinnithe le linn 2025:

Comhalta	Fad Seirbhíse	Cruinnithe ar freastalaíodh orthu (freastalaíodh orthu/incháilithe)
Gerry Britchfield (Cathaoirleach)	Eanáir 2023 go Nollaig 2025	6/6
Eileen Maher	Eanáir 2023 go dtí seo	6/6
Cathy Mannion	Eanáir 2023 go dtí seo	6/6
Michael Walsh	Eanáir 2023 go dtí seo	6/6

I ndiaidh don Uasal Gerard Britchfield éirí as an mBord, ceapadh Cathy Mannion ina Cathaoirleach ar an gCoiste. Ceapadh Rena O’Sullivan sa Choiste i mí Feabhra 2026.

Is é Bord Uisce Éireann, i gcomhairle le Cathaoirleach an Choiste, a dhéanann Comhaltaí an Choiste a cheapadh. Tá an Coiste neamhspleách ar lucht bainistíochta na Cuideachta.

Ról agus Freagrachtaí an Choiste

Is é ról an Choiste, mar a leagtar amach sna Téarmaí Tagartha, tacú le Bord Uisce Éireann maidir lena fhreagrachtaí do na cúrsaí seo a leanas:

Tuairisciú airgeadais;
Bainistíocht Riosca;
Rialuithe inmheánacha;
Iniúchadh inmheánach; agus
Iniúchadh seachtrach.

Tugann an coiste faoi ghníomhaíochtaí gaolmhara eile, lena n-áirítear forléargas ar oibleagáidí faoin Treoir maidir le Tuairisciú Inbhuanaitheachta Corparáideach, beartais agus nósanna imeachta maidir le nochtaí cosanta, frithchalaoise, frithbhreabaireachta agus frith-éilliú.

Tuairiscíonn Cathaoirleach an Choiste do Bhord Uisce Éireann maidir le hábhair a phléitear ag gach cruinniú Coiste.

Bearta an Choiste Iniúchóireachta agus Riosca

Le linn 2025, ghlac an Coiste neart ama chun a phríomhfhreagrachtaí maoirseachta a chomhlíonadh, tháinig siad le chéile ocht n-uaire le linn na bliana. I measc lucht freastail ag cruinnithe an Choiste, a fuair cuireadh ón gCoiste, bhí an POF, an Príomh-Oifigeach Airgeadais, an Príomh-Oifigeach Dlíthiúil, Rúnaí na gCuideachta, an Stiúrthóir Straitéise, Athléimneachta agus Rialúcháin, Ceann Iniúchóireachta Inmheánaigh, Ceann Rialála agus Pleanála Airgeadais, Ceann Rialachais agus Comhlíonta Airgeadais, Ceann Riosca Eagraíochta agus Athléimneachta agus ionadaithe ó iniúchóirí seachtracha. Nuair is cuí, tugtar cuireadh do phríomhfheidhmeannaigh agus do bhaill eile den bhainistíocht shinsearach freastal chun léargas níos doimhne a chur i láthair agus a chur ar fáil maidir le topaicí éagsúla de réir mar a cheanglaítear ag an gCoiste chun a dhualgais a chomhlíonadh.

Chuaigh an Coiste i dteagmháil go minic le bainistíocht shinsearach, iniúchóireacht inmheánach, bainistíocht riosca agus na hiniúchóirí reachtúla. Tá Uisce Éireann faoi réir iniúchta dúbailte ag Ard-Reachtaire Cuntas agus Ciste agus a iniúchóir tráchtála reachtúil araon, Deloitte Ireland LLP, faoi Achtanna na gCuideachtaí. Bhuail an Coiste ar leithligh le hionadaithe ón Oifig C&AG agus Deloitte araon le linn na bliana. Anuas air sin, thug an Coiste faoi chlár iomlán athbhreithnithe ina chruinnithe i rith na bliana lena fhreagrachtaí a chomhlíonadh go héifeachtach.

Sonraítear thíos achoimre maidir leis na gníomhaíochtaí a chuir an Coiste i gcrích sa bhliain 2025.

Dualgas	Gníomhaíochtaí a cuireadh i gcrích sa bhliain 2025
Tuairisciú airgeadais	Rinneadh athbhreithniú ar Thuarascáil Bhliantúil agus Ráiteas Airgeadais Uisce Éireann, sular moladh faomhadh an Bhoird. Rinneadh breithniú maidir le oiriúnacht mheastacháin agus breithnithe cuntasaíochta a cuireadh i bhfeidhm in ullmhú na ráiteas airgeadais lena n-áirítear oiriúnacht bonn ullmhúchán gnóthais leantaigh na ráiteas airgeadais. Rinneadh athbhreithniú ar na beartais chuntasaíochta agus cúrsaí a raibh tionchar acu ar thuairisciú airgeadais. Rinneadh athbhreithniú ar chuntais neamhiniúchta Uisce Éireann don sé mhí dar críoch 30 Meitheamh 2025. Rinneadh breithniú maidir le pointí litreach an iniúchóra seachtraigh. Rinneadh breithniú maidir le pleananna iniúchta ó Deloitte agus C&AG araon. Buaileadh le Deloitte agus an C&AG, ar leithligh ón mbainistíocht. Buaileadh leis an bPríomhoifigeach Airgeadais, ar leithligh ón mbainistíocht. Maoiniú scéime pinsin a athbhreithníodh
Bainistíocht Riosca	Breithníodh Clár Riosca Corparáideach agus Tuarascálacha Athléimneachta agus Nuashonruithe maidir le Riosca Cibearshlándála agus Athléimneachta d’Uisce Éireann, agus nochtadh riosca, lena n-áirítear rioscaí atá ag treochtáil agus rioscaí atá ag teacht chun cinn, rialuithe maolaithe agus rátáil sprioc-riosca. Rinneadh breithniú maidir le clár cuimsitheach maidir le nithe doimhne le linn na bliana, rud a dhírigh ar phríomh-neamhchosaintí ar riosca d’Uisce Éireann. Rinneadh leasuithe neamhábhartha ar an Modheolaíocht Measúnaithe Riosca a athbhreithniú agus a mholadh. Rinneadh athbhreithniú ar na Ráitis um Inghlacthacht Riosca agus ar na Leibhéil Inghlacthachta Riosca ghaolmhara d’Uisce Éireann sular cheadaigh an Bord iad. Rinneadh athbhreithniú ar an ullmhacht maidir le Bainistíocht Géarchéime agus Leanúnachas Gnó. Bualadh le Ceann Riosca Eagraíochta agus Athleimneachta, ar leithligh ón mbainistíocht. Rinneadh leasuithe neamhábhartha ar an mBeartas Bainistíochta Riosca Eagraíochtúil agus ar an gCreat Bainistíochta Riosca Eagraíochtúil a athbhreithniú agus a cheadú.
Rialuithe inmheánacha	Rinneadh breithniú maidir le tuarascálacha Fhóram Árachais Comhtháite, lena n-áirítear aon chásanna féideartha fheabhsú rialaithe. Rinneadh athbhreithniú maidir leis an Ráiteas ar an gCóras Rialaithe Inmheánaí agus tuarascálacha rialaithe agus rialachais gaolmhara, roimh bhreithniú an Bhoird. Rinneadh plé maidir le Maitrís Comhlíonta na Stiúrthóirí i lár agus ag deireadh na bliana, roimh formheas an Bhoird. Buaileadh leis an gCeann Rialachais Airgeadais agus Comhlíontachta, ar leithligh ón mbainistíocht. Rinneadh breithniú maidir le Tuarascáil Comhlíonta Soláthair eatramhach agus ag deireadh na bliana.
Iniúchadh inmheánach	Faomhadh an Plean Iniúchta Inmheánaigh 2026 d’Uisce Éireann. Athbhreithniú ar an Straitéis Iniúchóireachta Inmheánaí 2025 go 2028. Faomhadh an Chairt Iniúchóireachta Inmheánaí. Rinneadh plé maidir le torthaí na dTuarascálacha Iniúchóireachta Inmheánaí ráithúla d’Uisce Éireann. Rinneadh breithniú faoi nuashonraithe maidir le dul chun cinn chur i bhfeidhm na moltaí Iniúchóireachta inmheánaí. Fuarthas tuarascálacha maidir le fadhbanna rúnda. Bualadh le Ceann an Iniúchta Inmheánaigh, ar leithligh ón mbainistíocht. Rinneadh éifeachtúlacht fheidhm an Iniúchta Inmheánaigh a mheas.
Iniúchadh seachtrach	Cuireadh measúnacht i gcrích maidir le héifeachtúlacht an iniúchóra seachtraigh (Deloitte), lena n-áirítear monatóireacht a dhéanamh ar chomhlíonadh le treoir eiticiúil agus gairmiúil maidir le neamhspleáchas, cáilíochtaí, saineolas agus acmhainní a chur ar fáil. Rinneadh athbhreithniú maidir le téarmaí rannpháirtíochta an iniúchóra seachtraigh ó Deloitte agus C&AG. Athbhreithníodh an beartas maidir le fostú iar-fhostaithe na n-iniúchóirí reachtúla. Formheasadh teorannacha maidir le conarthaí a dhámhachtain don iniúchadh seachtrach le haghaidh obair neamh-iniúchóireachta. Moladh formheas tháillí iniúchta. Moladh síneadh a chur le ceapachán Deloitte le haghaidh na mblianta airgeadais 2027 agus 2028.
Saincheisteanna Rialachais	Breithníodh forbairtí i ndáil le hoibleagáidí tuairiscithe Uisce Éireann faoin Treoir maidir le Tuairisciú Inbhuanaitheachta Corparáideach. Breithníodh an Tuarascáil bhliantúil maidir le Nochtaí Cosanta sular eisíodh í chuig an Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitithe agus sular foilsíodh í ar shuíomh gréasáin Uisce Éireann. Rinneadh athbhreithniú ar an tsraith eitice a bhaineann le beartais ina gcuimsítear an Beartas Frith-Chalaoise, an Beartas Frith-Bhreabaireachta agus Frith-Éillithe agus an Beartas Nochtaí Cosanta atá mar chuid den fheachtas ‘An Rud Ceart a Dhéanamh’ agus moladh a fhaomhadh don Bhord. Buaileadh leis an bPríomhoifigeach Dlí, ar leithligh ón mbainistíocht. Rinne athbhreithniú ar a fheidhmíocht agus a éifeachtacht féin, i gcomhréir leis an gCód Cleachtais. Leasuithe faofa do Théarmaí Tagartha an Choiste, roimh formheas an Bhoird. Rinneadh breithniú maidir le Tuarascáil an Chathaoirligh faoi Alt 1.9 d’iarscríbhinn Tuairisciú Gnólachta agus Airgeadais den Chód Cleachtais, roimh fhaomhadh an rialtais agus sular cuireadh faoi bhráid an Aire Tithíochta, Rialtais Áitiúil agus Oidhreachta é. Formheasadh Clár Oibre an Choiste do 2026.

Conclúid

Is féidir liom a dhearbhú gur chomhlíon an Coiste Iniúchóireachta agus Riosca a fhreagrachtaí mar atá leagtha amach ina Théarmaí Tagartha agus faoin gCód Cleachtais le linn 2025. I ndiaidh athbhreithniú a dhéanamh ar éifeachtacht an chórais rialuithe inmheánacha, ina gcuimsítear Bainistíocht Riosca Eagraíochtúil, Dearbhú Comhtháite agus Iniúchadh Inmheánach, chinn an Coiste go raibh sé sásta go gcuirtear ar chumas an Bhoird leis an gCóras Rialaithe Inmheánaigh a chinneadh go bhfuil na córais sin oiriúnach don ghnólacht agus go bhfuil córais éifeachtacha rialaithe inmheánaigh á gcoinneáil ar bun agus á n-oibriú gan aon sáruithe ábhartha tugtha faoi deara sa bhliain. Ag féachaint ar aghaidh go 2026, i measc príomhthosaíochtaí an Choiste, beidh maoirseacht a choinneáil ar bun maidir le hionracas tuairiscithe airgeadais, próisis rialála inmheánaí agus cultúr láidir bainistíocht riosca a choinneáil ar fud Uisce Éireann. Leanfaidh an Coiste ar aghaidh le tacaíocht a thabhairt maidir le hullmhúcháin do na hoibleagáidí tuairiscithe faoin Treoir maidir le Tuairisciú Inbhuanaitheachta Corparáideach.

Ba mhaith liom mo bhuíochas a ghabháil le mo réamhtheachtaí Gerard Britchfield agus le mo Chomh-chomhaltaí Coiste as a dtiomantas maidir le Clár Oibre iomlán a bhaint amach sa bhliain 2025 agus táim ag súil le bheith ag obair i gcomhar leo agus le foireann Uisce Éireann sa bhliain 2026 agus muid ag leanúint le maoirseacht ar rialachas, tuairisciú airgeadais, bainistíocht riosca, rialuithe inmheánacha, iniúchóireacht inmheánach agus socruithe iniúchóireachta seachtraí atá i bhfeidhm in Uisce Éireann.

Cathy Mannion

Cathaoirleach an Choiste Iniúchóireachta agus Riosca

An Coiste

Cathy Mannion

Cathaoirleach

Eileen Maher

Comhalta Coiste

Rena O’Sullivan

Comhalta Coiste

Michael Walsh

Comhalta Coiste

Tuarascáil an Choiste Infheistíochta, Bonneagair agus Inbhuanaitheachta

An Coiste

Tá cúigear Comhaltaí de Bhord Uisce Éireann, arna gceapadh ag Bord Uisce Éireann, ar an gCoiste faoi láthair, tá duine acu ina Phríomhoifigeach Feidhmiúcháin, agus le chéile soláthraíonn siad taithí agus saineolas ar bhonneagar, ar rialáil, ar airgeadas agus ar dhlí.

Leagtar amach thíos comhaltaí an Choiste, an fad seirbhíse agus freastal ar chruinnithe le linn 2025:

Comhalta	Fad Seirbhíse	Cruinnithe ar freastalaíodh orthu (freastalaíodh orthu/incháilithe)
Michael Nolan (Cathaoirleach)	Eanáir 2024 go dtí seo	10/10
Niall Gleeson	Eanáir 2023 go dtí seo	9/10
Jerry Grant	Iúil 2024 go dtí seo	10/10
Cathy Mannion	Eanáir 2023 go dtí seo	10/10
Michael Walsh	Eanáir 2023 go dtí seo	10/10

Ról agus Freagrachtaí an Choiste

Is é ról an Choiste Infheistíochta, Bonneagair agus Inbhuanaitheachta, mar atá leagtha amach ina Théarmaí Tagartha, tacú le Bord Uisce Éireann agus a dhualgais sna réimsí seo a leanas á gcomhlíonadh aige:

Infheistíochtaí
Bonneagar
Inbhuanaitheacht
Feidhmiú cumhachtaí reachtúla
Ábhair eile

Tuairiscíonn Cathaoirleach an Choiste do Bhord Uisce Éireann maidir le hábhair a phléitear ag gach cruinniú Coiste.

Príomhghníomhaíochtaí an Choiste Infheistíochta, Bonneagair agus Inbhuanaitheachta

Le linn 2025, dhírigh an Coiste ar a bpríomh-fhreagrachtaí maoirseachta a chomhlíonadh. I measc an lucht freastail rialta ag cruinnithe an Choiste, ar chuireadh ón gCoiste, tá an Stiúrthóir um Bonneagar a Sheachadadh, an Stiúrthóir Bainistíochta Sócmhainní agus Inbhuanaitheachta, an Príomhoifigeach Dlí agus an Rúnaí Cuideachta. Nuair is cuí, tugtar cuireadh do phríomhfheidhmeannaigh agus do chomhaltaí eile den bhainistíocht shinsearach freastal chun léargas níos doimhne a chur i láthair agus a chur ar fáil maidir le topaicí éagsúla de réir mar a iarrann an Coiste é sin chun a dhualgais a chomhlíonadh.

Sonraítear thíos achoimre maidir leis na gníomhaíochtaí a chuir an Coiste i gcrích sa bhliain 2025.

Dualgas	Gníomhaíochtaí a cuireadh i gcrích sa bhliain 2025
Infheistíochtaí	Le linn 2025, chaith an Coiste go leor ama ag comhlíonadh a dhualgas, agus béim leanúnach á leagan ar dhearbhú don Bhord maidir le hinacmhainneacht, muinín maidir le soláthar agus rudaí a chur in ord tosaíochta sa chlár infheistíochta, mórthionscnaimh bhonneagair agus gealltanais inbhuanaitheachta. Baineadh úsáid as cuir i láthair agus páipéir bhainistíochta chun tacú le dúshlán agus maoirseacht an Choiste, lena n-áirítear gníomhaíochtaí leantacha i gcás ina raibh gá le tuilleadh soiléirithe nó dearbhaithe. Rinneadh athbhreithniú ar chonarthaí agus ar chomhaontuithe tráchtála, lena n-áirítear creataí, i ndáil le hinfheistíochtaí caipitil dar luach os cionn fiche milliún euro agus mhol siad a gceadú don Bhord ar an mbonn go gcomhlíonann na hinfheistíochtaí sin critéir chuí lena n-áirítear, i measc nithe eile, ionchais tuairisceáin scairshealbhóirí, go bhfuil údar leis an tionscadal atá beartaithe, go bhfuil sé inacmhainne laistigh de shrianta maoinithe, go bhfuil ardtosaíocht ag baint leis i gcoibhneas le tograí iomaíocha agus go bhfuil sé laistigh de straitéis chorparáideach Uisce Éireann. Rinneadh athbhreithniú ar thuarascálacha maidir le dul chun cinn ar thionscadail lenar bhain caiteachas caipitil os cionn €20m agus a bhí ceadaithe ag an mBord, rud a léirigh soláthar i gcomparáid le spriocanna, stádas na mbuiséad agus achoimrí ar chaiteachas caipitil agus ar chaiteachas oibriúcháin. Breithníodh athbhreithnithe iar-chur chun feidhme i leith tionscadal arna gceadú ag an mBord. Breithníodh an Tuarascáil Ráithiúil maidir le Seachadadh Bonneagair. Cinntíodh go raibh na nósanna imeachta maidir le measúnú infheistíochta oiriúnach don fheidhm agus go gcomhlíonann siad an dea-chleachtas, lena n-áirítear prionsabail agus ceanglais ábhartha Threoirlínte Bonneagair na Roinne Caiteachais Phoiblí, Bonneagair, Athchóiriúcháin Seirbhíse Poiblí agus Digitithe agus dréacht-Treoirlínte Earnáilsonracha Seirbhísí Uisce arna bhfoilsiú. Athbhreithniú ar mhodheolaíocht meastacháin costas. Breithníodh straitéisí soláthair atá beartaithe sular tosaíodh an próiseas tairisceana do thionscadail agus do chláir mhóra. Rinneadh buiséad na gclár caipitil 2026 a athbhreithniú agus moladh é don Bhord.
Bonneagar	Agus mórchúrsaí infheistíochta á n-athbhreithniú ag an gCoiste le linn 2025, chuir sé dearcadh maidir le dearbhú comhsheasmhach i bhfeidhm don Bhord lena n-áirítear muinín maidir le soláthar (raon feidhme/sceideal), inacmhainneacht agus maoiniú, meastachán costas agus teagmhas, agus straitéis soláthair/mhargaidh. Breithníodh Plean Straitéiseach Seirbhísí Uisce 2050 agus mhol sé don Bhord go nglacfaí leis. Rinneadh athbhreithniú ar thosaíochtaí/cinnteoireacht punainne agus infheistíochta thar thréimhse 5 go 10 mbliana chun eolas a chur ar fáil maidir le aighneachtaí rialála agus pleanáil CAPEX. Fuair siad nuashonruithe rialta ar an bPlean Straitéiseach um Rialú Sceite. Breithníodh bainistíocht riosca ar phríomhphíobán uisce ardriosca. Breithníodh dul chun cinn ar Thionscadal Soláthair Uisce, Réigiún an Láir Tíre agus an Oirthir, lena n-áirítear moladh don Bhord maidir le cás gnó mionsonraithe. Breithníodh dul chun cinn ar Thionscadal Draenála Mhórlimistéar Bhaile Átha Cliath, lena n-áirítear moladh don Bhord maidir le cás gnó mionsonraithe. Breithníodh straitéis don eastát Deartha, Tógála agus Oibriúcháin atá ann cheana. Breithníodh an Tuarascáil Ráithiúil maidir le Sócmhainní Criticiúla. Breithníodh nuashonrú ar an bpunann réadmhaoine. Breithníodh an straitéis bainistíochta flít. Ar fud na míreanna sin, choinnigh an Coiste béim ar sholáthar agus ar riosca athléimneachta. Lena n-áirítear infheictheacht an tslabhra soláthair, sócmhainní criticiúla agus príomhphíobán uisce ardriosca chun tacú le dearbhú an Bhoird maidir le stóinseacht na bpleananna seachadta.
Inbhuanai-theacht	Rinneadh monatóireacht ar chur chun feidhme na straitéise inbhuanaitheachta. Breithníodh nuashonruithe rialta ar an Tionscadal Tuairiscithe Inbhuanaitheachta. Breithníodh dul chun cinn ar thionscnaimh inbhuanaitheachta. Breithníodh tionchair fhéideartha a bhain le forbairt beartas Eorpach. Breithníodh an straitéis ceannaigh leictreachais atá beartaithe. Breithníodh Plean um Oiriúnú Athléimneachta Bonneagair.
Cumhachtaí reachtúla	Rinneadh moltaí don Bhord de réir mar ba ghá i ndáil le hOrduithe Caomhnaithe Uisce.
Ábhair eile	Meastar tuarascáil maidir le hinfheictheacht conarthaí an tSlabhra Soláthair mar mhír bhuan. Rinneadh athbhreithniú ar an gcreat-chomhaontú seirbhísí dlí agus moladh go gceadófaí é. Rinneadh athbhreithniú ar an gcreat-chomhaontú creata comhairle pinsin agus moladh gceadófaí é. Rinneadh athbhreithniú seachtrach ar éifeachtacht an Choiste, i gcomhréir leis an gCód Cleachtais. Leasuithe faofa do Théarmaí Tagartha an Choiste, roimh formheas an Bhoird. Faomhadh Clár Oibre an Choiste do 2026.

An Coiste

Michael Nolan

Cathaoirleach

Niall Gleeson

Comhalta Coiste

Jerry Grant

Comhalta Coiste

Cathy Mannion

Comhalta Coiste

Michael Walsh

Comhalta Coiste

Tuarascáil an Choiste um Athrú chun Feabhais Fóntais agus Feidhmíocht Oibríochtaí

An Coiste

Tá ceathrar Comhaltaí Boird ar an gCoiste faoi láthair, arna gceapadh ag Bord Uisce Éireann, agus tá duine acu ina P(h)ríomhoifigeach Feidhmiúcháin, agus soláthraíonn gach duine acu dearcadh luachmhar sna réimsí maidir le hathrú chun feabhais fóntais, caidreamh tionsclaíoch agus taithí oibríochtúil.

Leagtar amach thíos comhaltaí an Choiste, an fad seirbhíse agus freastal ar chruinnithe le linn 2025:

Comhalta	Fad Seirbhíse	Cruinnithe ar freastalaíodh orthu (freastalaíodh orthu/incháilithe)
Douglas Millican (Cathaoirleach)	Deireadh Fómhair 2024 go dtí seo	7/7
Niall Gleeson	Eanáir 2023 go dtí seo	7/7
Patricia King	Eanáir 2023 go dtí seo	7/7
Michael Nolan	Eanáir 2024 go dtí seo	7/7
Paul Reid	Iúil 2024 go dtí Iúil 2025	4/4

I ndiaidh éirí as oifig an Uasail Paul Reid ón mBord, ceapadh an tUasal Douglas Millican ina Chathaoirleach ar an gCoiste i mí Iúil 2025. Ceapadh Orlagh Nevin sa Choiste i mí Feabhra 2026.

Ról agus Freagrachtaí an Choiste

Le linn 2025, ba é ról an Choiste, mar atá leagtha amach sna Téarmaí Tagartha, tacú le Bord Uisce Éireann lena dhualgais a chomhlíonadh sna príomhréimsí seo a leanas le linn chéim an athraithe chun feabhais:

Cur chun feidhme an Mháistir-Chomhaontaithe um Chomhar;
A chinntiú go dtugtar aghaidh sa phlean um athrú chun feabhais ar na saincheisteanna is gá chun fóntas comhtháite a sholáthar;
Cultúr a fhorbairt chun fóntais chomhtháite a sholáthar;
Maoirseacht a dhéanamh ar straitéis agus ar phleananna chun cobhsaíocht le linn chéim an athraithe chun feabhais a chinntiú.

Tuairiscíonn Cathaoirleach an Choiste do Bhord Uisce Éireann maidir le hábhair a phléitear ag gach cruinniú Coiste.

I mí na Samhna 2025, agus aitheantas á thabhairt don ghá le fócas níos láidre a chur ar fheidhmíocht oibríochtúil, seirbhíse do chustaiméirí agus comhshaoil, chomh maith leis an gclár um athrú chun feabhais a chur i gcrích chun fóntas comhtháite a sholáthar, rinneadh athbhreithniú agus nuashonrú ar Théarmaí Tagartha an Choiste chun an fócas oibríochtúil a neartú. Athraíodh ainm an Choiste freisin ó “Coiste an Chláir um Athrú chun Feabhais Uisce Éireann” go dtí “an Coiste um Athrú chun Feabhais Fóntais agus Feidhmíocht Oibríochtaí”.

Príomhghníomhaíochtaí an Choiste um Athrú chun Feabhais Fóntais agus Feidhmíocht Oibríochtaí

Le linn 2025, dhírigh an Coiste ar a bpríomh-fhreagrachtaí maoirseachta a chomhlíonadh. I measc an lucht freastail rialta ag cruinnithe an Choiste, ar chuireadh ón gCoiste, tá Cathaoirleach an Bhoird, an Príomhoifigeach Oibríochta, an Stiúrthóir um Dhaoine agus Sábháilteacht, an Príomhoifigeach Airgeadais, Stiúrthóir Chlár um Athrú Chun Feabhais Uisce Éireann, an Príomhoifigeach Dlí agus an Rúnaí Cuideachta.

Sonraítear thíos achoimre maidir leis na gníomhaíochtaí a chuir an Coiste i gcrích sa bhliain 2025.

Dualgas	Gníomhaíochtaí a cuireadh i gcrích sa bhliain 2025
Cur chun feidhme an Mháistir-Chomhaontaithe um Chomhar.	Rinneadh monatóireacht ar dhul chun cinn aistrithe fhoireann seirbhísí uisce na nÚdarás Áitiúil chuig Uisce Éireann agus tuairiscíodh don Bhord é. Breithníodh an straitéis caidrimh thionsclaíoch agus rinneadh monatóireacht ar an timpeallacht caidrimh thionsclaíoch.
A chinntiú go dtugtar aghaidh sa phlean um athrú chun feabhais ar na saincheisteanna is gá chun fóntas comhtháite a sholáthar.	Rinneadh maoirseacht ar dhul chun cinn agus ar bhuiséad Chlár um Athrú Chun Feabhais Uisce Éireann agus tuairiscíodh don Bhord iad. Rinneadh monatóireacht ar chur chun feidhme na samhla oibriúcháin sprice, lena n-áirítear earcaíocht sheachtrach. Rinneadh athbhreithniú ar dhul chun cinn maidir le bunú agus cur chun feidhme ionad bairr feabhais oibríochtúil agus sruthú foirne isteach i seirbhísí uisce agus fuíolluisce. Rinneadh monatóireacht ar dhul chun cinn maidir le cur i bhfeidhm punainne oifigí, ionad oibríochtaí, siopaí réigiúnacha agus flíteanna. Rinneadh athbhreithniú ar rolladh amach an chláir teileamaitreachta agus monatóireachta aláraim.
Cultúr a fhorbairt chun fóntais chomhtháite a sholáthar.	Breithníodh nuashonruithe rialta ar dhul chun cinn maidir le rolladh amach agus cur chun feidhme córais aonair bainistíochta sábháilteachta i measc fhoireann uile na seirbhísí uisce. Rinneadh monatóireacht ar thionchar na mbealaí oibre athbhreithnithe agus rolladh amach na teicneolaíochta. Breithníodh tionscnaimh phiarthacaíochta chun cur leis an gclár ionduchtaithe fhoirmiúil. Breithníodh an nuashonrú ar mheasúnú daoine agus cultúir agus riachtanais amach anseo maidir le hiniúchadh meastóireachta cultúir.
Maoirseacht a dhéanamh ar straitéis agus ar phleananna chun cobhsaíocht le linn chéim an athraithe chun feabhais a chinntiú.	Athbhreithníodh agus breithníodh príomh-mhéadrachtaí custaiméirí agus príomh-mhéadrachtaí oibríochtúla mar mhír bhuan ag gach cruinniú. Díríodh ar bhunchúiseanna na ngearán ó chustaiméirí a shainaithint. Breithníodh uasmhéadú próiseas i ndáil le ceangail nua tithíochta. Breithníodh an stádas riosca maidir le príomhshócmhainní bonneagair uisce agus fuíolluisce. Rinneadh roinnt scrúduithe doimhne ar shaincheisteanna tráthúla – lena n-áirítear feidhmíocht oibríochtúil le linn adhaimsire, cúiseanna le fógraí fiuchta uisce agus an tionscadal um beartú tosaíochta tithíochta. Tugadh cuairteanna ar láithreáin oibriúcháin, lena n-áirítear ionad chóireála uisce Bhóthar na Laoi, ionad cóireála fuíolluisce Charraig Ghrianáin, ionad teagmhála custaiméirí agus ionad náisiúnta monatóireachta oibríochtaí.
Ábhair eile.	Rinneadh athbhreithniú seachtrach ar éifeachtacht an Choiste, i gcomhréir leis an gCód Cleachtais. Leasuithe faofa do Théarmaí Tagartha an Choiste, roimh formheas an Bhoird. Formheasadh Clár Oibre an Choiste do 2026.

An Coiste

Douglas Millican

Cathaoirleach

Niall Gleeson

Comhalta Coiste

Patricia King

Comhalta Coiste

Orlagh Nevin

Comhalta Coiste

Michael Nolan

Comhalta Coiste

Tuarascáil an Choiste Luach Saothair

An Coiste

Tá ceathrar Comhaltaí neamhfheidhmiúcháin de Bhord Uisce Éireann, arna gceapadh ag Bord Uisce Éireann, ar an gCoiste Luach Saothair faoi láthair, agus cuireann gach duine acu dearcadh luachmhar ar fáil sna réimsí airgeadais, caidrimh thionsclaíoch agus taithí bainistíochta.

Leagtar amach thíos comhaltaí an Choiste, an fad seirbhíse agus freastal ar chruinnithe le linn 2025:

Comhalta	Fad Seirbhíse	Cruinnithe ar freastalaíodh orthu (freastalaíodh orthu/incháilithe)
Eileen Maher (Cathaoirleach)	Eanáir 2023 go dtí seo	8/8
Gerard Britchfield	Eanáir 2023 go Nollaig 2025	8/8
Jerry Grant	Iúil 2024 go dtí seo	8/8
Patricia King	Eanáir 2023 go dtí seo	8/8
Paul Reid	Samhain 2024 go Iúil 2025	4/4
Michael Walsh	Iúil 2025 go Feabhra 2026	4/4

I mí Feabhra 2026, d’éirigh Michael Walsh as nuair a ceapadh Orlagh Nevin agus Rena O’Sullivan ar an gCoiste.

Ról agus Freagrachtaí an Choiste

Is é ról an Choiste, mar atá leagtha amach sna Téarmaí Tagartha, tacú le Bord Uisce Éireann lena dhualgais a chomhlíonadh sna príomhréimsí seo a leanas:

Feidhmíocht agus Luach Saothair an Phríomhfheidhmeannaigh
Luach Saothair Feidhmiúcháin
Pleanáil Chomharbais agus Forbairt Ceannaireachta
Samhail Phá agus Pinsin na Cuideachta
Scórchárta Ualaithe

Tuairiscíonn Cathaoirleach an Choiste do Bhord Uisce Éireann maidir le hábhair a phléitear ag gach cruinniú Coiste.

Príomhghníomhaíochtaí an Choiste Luach Saothair

Le linn 2025, dhírigh an Coiste ar a bpríomh-fhreagrachtaí maoirseachta a chomhlíonadh. I measc an lucht freastail rialta ag cruinnithe an Choiste, ar chuireadh ón gCoiste, tá an Príomhoifigeach Feidhmiúcháin, an Stiúrthóir um Dhaoine agus Sábháilteacht, an Príomhoifigeach Airgeadais, an Príomhoifigeach Dlí agus an Rúnaí Cuideachta. Tá údarás ag an gCoiste, faoi réir fhormheas an Bhoird, comhaltaí breise a chomhthoghadh chun scileanna, eolas agus taithí speisialaithe a sholáthar más gá.

Sonraítear thíos achoimre maidir leis na gníomhaíochtaí a chuir an Coiste i gcrích sa bhliain 2025.

Dualgas	Gníomhaíochtaí a cuireadh i gcrích sa bhliain 2025
Feidhmíocht agus Luach Saothair an Phríomhfheidh-meannaigh	Moladh don Bhord iarratas a chur isteach ar leasú ar théarmaí agus coinníollacha fostaíochta an Phríomhoifigigh Feidhmiúcháin de bhun thuarascáil an Choiste Luach Saothair do Phoist Shinsearacha ar Luach Saothair Príomhfheidhmeannach i gComhlachtaí Tráchtála Leathstáit.
Luach Saothair Feidhmiúcháin	Breithníodh ceapachán tuairiscithe dhírigh don Phríomhoifigeach Feidhmiúcháin agus moladh é don Bhord. Breithníodh tagarmharcáil luach saothair Feidhmiúcháin. Rinneadh athbhreithniú agus moladh maidir le dul chun cinn bliantúil pá agus dámhachtainí a bhaineann le feidhmíocht do thuairiscí díreacha don Phríomhoifigeach Feidhmiúcháin.
Pleanáil Chomharbais agus Forbairt Ceannaireachta	Breithníodh píblíne pleanála comharbais don lucht ardbhainistíochta atá ag fás. Athbhreithniú ar leathnú na forbartha gairme foirmiúla ar gach leibhéal.
Samhail Phá agus Pinsin na Cuideachta	Breithníodh, athbhreithníodh agus rinneadh molta don Bhord de réir mar is gá i ndáil le comhaontú pá 2026. Rinneadh athbhreithniú ar íocaíocht dámhachtainí i ndáil feidhmíocht ar fud na Cuideachta agus moladh don Bhord í. Rinneadh athbhreithniú agus moladh maidir le dul chun cinn bliantúil pá 2025 i gcomhréir leis an gcomhaontú pá. Breithníodh maoiniú scéimeanna pinsin agus straitéis infheistíochta. Breithníodh agus moladh méadú ar phinsin atá á n-íoc.
Scórchárta Ualaithe	Athbhreithníodh toradh dheireadh na bliana ar Scórchárta Ualaithe 2024. Rinneadh spriocanna do Scórchárta Ualaithe 2025 a bhreithniú agus a mholadh. Athbhreithniú ráithiúil ar fheidhmíocht an Scórchárta Ualaithe i gcomparáid le spriocanna. Breithníodh forbairt spriocanna Scórchárta Ualaithe do 2026.
Ábhair eile	Breithníodh an Bhearna Phá Bhliantúil idir na hInscní agus cuireadh in iúl don Bhord í nuair a foilsíodh an Tuarascáil ar an mBearna Phá idir na hInscní. Rinneadh athbhreithniú seachtrach ar éifeachtacht an Choiste, i gcomhréir leis an gCód Cleachtais. Leasuithe faofa do Théarmaí Tagartha an Choiste, roimh formheas an Bhoird.

An Coiste

Eileen Maher

Cathaoirleach

Jerry Grant

Comhalta Coiste

Patricia King

Comhalta Coiste

Orlagh Nevin

Comhalta Coiste

Rena O’Sullivan

Comhalta Coiste