Torthaí cháilíocht an uisce óil

Cuideoidh na mínithe seo leat na torthaí a thuiscint atá inár dtuarascálacha cáilíochta uisce.

Paraiméadair

Is iad paraiméadair na nithe a chuardaímid agus ar a ndéanaimid tomhas nuair a dhéanaimid samplaí uisce a thástáil.

Rialacháin Uisce Óil an Aontais Eorpaigh I.R. Uimh. 99/2023

• na paraiméadair uisce óil nach mór dúinn tástáil a dhéanamh ina leith
• cé chomh minic agus a bhíonn orainn tástáil a dhéanamh ina leith
• na teorainneacha inghlactha maidir le gach paraiméadar

Sáruithe

Nuair a bhíonn leibhéil paraiméadar i sampla uisce atá níos airde ná mar a cheadaítear sna rialacháin, tugtar sárú orthu. Nuair a tharlaíonn sé sin, déanann Uisce Éireann measúnú riosca. Má bhíonn sláinte phoiblí i mbaol, téimid i gcomhairle le Feidhmeannacht na Seirbhíse Sláinte (FSS). In éineacht le chéile, comhaontaímid na chéad chéimeanna eile, lena n-áireofaí an pobal a chur ar an eolas.

Learn more about how we test drinking water

An liosta um ghníomhú leasúcháin

Seo liosta soláthairtí uisce óil phoiblí a mheastar le bheith ‘i mbaol’ maidir le cáilíocht uisce. Má tá soláthar ar an liosta, ciallaíonn sé go bhféadfadh fadhbanna a bheith ag baint leis an bpróiseas cóireála uisce don soláthar sin nó leis an dóigh a ndéantar é a bhainistiú nach mór d’Uisce Éireann iad a réiteach.

Is í an Ghníomhaireacht um Chaomhnú Comhshaoil (GCC) a fhoilsíonn an liosta um ghníomhú leasúcháin agus déantar é a nuashonrú gach 6 mhí. Ní mór d’Uisce Éireann plean gníomhaíochta a sholáthar don GCC maidir le gach soláthar ar an liosta. Tá tús áite tugtha do na soláthairtí uisce sin le haghaidh infheistíochta.